Home » Knowledge » လူထု ေဒၚအမာရဲ႕ဘ၀နဲ႕ စာေပလက္ရာေတြအေၾကာင္း လူသိမ်ားခဲ့ေပမယ့္ လူသိပ္မသိေသးတဲ့ ျဖစ္ရပ္အခ်ိဳ႕

လူထု ေဒၚအမာရဲ႕ဘ၀နဲ႕ စာေပလက္ရာေတြအေၾကာင္း လူသိမ်ားခဲ့ေပမယ့္ လူသိပ္မသိေသးတဲ့ ျဖစ္ရပ္အခ်ိဳ႕

လူထု ေဒၚအမာရဲ႕ဘ၀နဲ႕ စာေပလက္ရာေတြအေၾကာင္း လူသိမ်ားခဲ့ေပမယ့္ လူသိပ္မသိေသးတဲ့ ျဖစ္ရပ္အခ်ိဳ႕

Zawgyi Font

၁၉၁၅ ႏိုဝင္ဘာလ ၂၉ ရက္က ေမြးခဲ့တဲ့ လူထုေဒၚအမာဟာ စာေပနဲ႔ ႏိုင္ငံေရး၊ ယဥ္ေက်းမႈ နယ္ပယ္ေတြမွာ ထင္ရွားသူ ျဖစ္သလို လူမႈကူညီေရးနဲ႔ သာသနာေရး လုပ္ငန္းေတြကို လုပ္ေဆာင္ခဲ့သူလည္း ျဖစ္ပါတယ္။ ၁၉၃၆ ဒုတိယ တကၠသိုလ္ သပိတ္မွာ ပါဝင္လႈပ္ရွားခဲ့ၿပီးေနာက္ ျမန္မာ စာေရးဆရာမ တေယာက္ အျဖစ္ ထင္ရွားလာသလို စစ္ၿပီးေခတ္မွာ သတင္းစာ လုပ္ငန္း လုပ္ကိုင္တဲ့ အမ်ိဳးသမီး အျဖစ္ လူသိမ်ားခဲ့ပါတယ္။

သူ႕ခင္ပြန္း လူထုဦးလွ နဲ႔ သားေတြ၊ ေမာင္ေတြ ႏိုင္ငံေရး လႈပ္ရွားမႈေၾကာင့္ ဖမ္းဆီးခံခဲ့ရသလိုပဲ သူကိုယ္တိုင္လည္း ဖမ္းဆီး စစ္ေမးခံရတာေတြ ရွိခဲ့ပါတယ္။ လူထုေဒၚအမာရဲ႕ ဘဝနဲ႔ စာေပလက္ရာေတြ အေၾကာင္း လူသိမ်ားေပမယ့္ သူ႕ဘဝမွာ လူသိ သိပ္မမ်ားတဲ့ ျဖစ္ရပ္ တခ်ိဳ႕ကေတာ့

 

၁။ လူထုေဒၚအမာ ေရးတဲ့ သီခ်င္း

ေဒၚအမာ အသက္ ၂၁ ႏွစ္ အ႐ြယ္ တကၠသိုလ္ ေက်ာင္းသူ ဘဝက ဒုတိယ တကၠသိုလ္ သပိတ္မွာ ဆင္ႏႊဲရင္း သပိတ္ေမွာက္ သီခ်င္းကို စပ္ဆိုခဲ့ပါတယ္။ အဲဒီအခ်ိန္က ဂ်ပန္မွာ သြားၿပီး ႐ိုက္ကူးခဲ့တဲ့ ဂ်ပန္႔ရင္ေသြး ဇာတ္ကားပါ မင္းသား ေမာင္ေမာင္စိုး သီဆိုတဲ့ ျမခြာၫို သီခ်င္းအလိုက္ ကၽြန္စိတ္ေမြးတဲ့ တကၠသိုလ္မွာ မေနလိုလို႔ ထြက္ခဲ့တာ၊ ဒို႔တေတြ ညီညာ ႐ုံးစုကာ ေ႐ႊတိဂုံ ေစတီမွာ ဆိုတဲ့ တကၠသိုလ္ သပိတ္ သီခ်င္းကို လူထု ေဒၚအမာနဲ႔ မာဂရက္ ဘိုးေတ သူငယ္ခ်င္း ႏွစ္ေယာက္ စပ္ဆိုခဲ့ၾကပါတယ္။

 

၂။ ေဒၚအမာ ဇာတ္ေကာင္ျပဳ ခံရတဲ့ ဝတၳဳေတြ

စာေရးဆရာ သိန္းေဖျမင့္ရဲ႕ သပိတ္ေမွာက္ ေက်ာင္းသား ဝတၳဳဟာ ၁၉၃၆ ခုႏွစ္ သပိတ္က ေက်ာင္းသူ ေက်ာင္းသားေတြရဲ႕ လႈပ္ရွားမႈကို ေနာက္ခံ ေရးဖြဲ႕တာ ျဖစ္ပါတယ္။ ဒီထဲက ဇာတ္ေဆာင္ မထားျမင့္ဟာ လူထုေဒၚအမာရဲ႕ သြင္ျပင္ကို ၾကည့္ၿပီး ေရးဖြဲ႕တာလို႔ ေျပာစမွတ္ ရွိပါတယ္။

လူထုေဒၚအမာ ကိုယ္တိုင္ကေတာ့ ဒီလို ေရးသားခံရတာကို မႏွစ္ၿခိဳက္ဘူးလို႔ ဆိုပါတယ္။ ၁၉၆ဝ ေက်ာ္မွာ ေရးတဲ့ ခင္ေဆြဦးရဲ႕ အင္ၾကင္းရဂုံ ဝတၳဳမွာေတာ့ ဇာတ္ေဆာင္ သတင္းစာ ဆရာမႀကီး ေဒၚေမသက္ဟာ ေဒၚအမာရဲ႕ ပုံကို မွီးၿပီး ေရးဖြဲ႕တာလို႔ ခင္ေဆြဦး က ျပန္ေျပာင္း ေရးသားခဲ့ပါတယ္။

 

၃။ သြားဖို႔ ႀကိဳးစားၿပီး မေရာက္ခဲ့တဲ့ တိုင္းျပည္ေတြ

လူထုေဒၚအမာ ဟာ ၁၉၅ဝ ေက်ာ္မွာေတာ့ စကၤာပူ၊ ႐ုရွနဲ႔ အေရွ႕အုပ္စု ႏိုင္ငံေတြ၊ ဒိန္းမတ္ ႏိုင္ငံတို႔ကို သြားခဲ့ပါတယ္။ သူဘဝမွာ သြားဖို႔ ႀကိဳးစားၿပီး မေရာက္ခဲ့တဲ့ တိုင္းျပည္ေတြထဲမွာ

– သူ တကၠသိုလ္ ေက်ာင္းသူ ဘဝက ဂ်ပန္ ျပည္မွာ ဂ်ပန္ စာေပနဲ႔ ယဥ္ေက်းမႈ ကို သင္ၾကားဖို႔ အစိုးရ ပညာသင္ဆု ေလၽွာက္ခဲ့ေပမယ့္ မရခဲ့ပါဘူး။ စစ္အတြင္းမွာ စာေရးဆရာမ ဒဂုန္ခင္ခင္ေလးနဲ႔ ဗမာ့ေခတ္ ဦးအုန္းခင္၊ စာေရးဆရာ ဂ်ာနယ္ ေက်ာ္ ဦးခ်စ္ေမာင္နဲ႔ ေဒၚမမေလး စုံတြဲေတြနဲ႔ အတူ အဲဒီအခ်ိန္က ႀကီးပြားေရး မဂၢဇင္း ထုတ္ခဲ့တဲ့ ဦးလွနဲ႔ ေဒၚအမာကို ဂ်ပန္ကို ယဥ္ေက်းမႈ ဖလွယ္ေရး အတြက္ လႊတ္ဖို႔ ျမန္မာ အစိုးရက စီစဥ္ ခဲ့ပါေသးတယ္။ အဲဒါလည္း မျဖစ္ေျမာက္ ခဲ့ပါဘူး။

– က်ဴးဘားမွာ ျဖစ္ေနတဲ့ ကက္စထ႐ိုရဲ႕ ေတာ္လွန္ေရး ကို ေလ့လာဖို႔ ၁၉၆၂ မွာ ေမာ္စကိုက တဆင့္ သြားဖို႔ စီစဥ္ခဲ့ပါတယ္။ ျမန္မာျပည္မွာ စစ္အာဏာသိမ္းပြဲ ျဖစ္လို႔ တ႐ုတ္က လွည့္ျပန္ခဲ့တယ္လို႔ ေဒၚအမာက ဆိုရွယ္လစ္ တိုင္းျပည္မ်ားသို႔ စာအုပ္မွာ ေရးသားခဲ့ပါတယ္။ ဦးဝင္းေဖရဲ႕ ဝင္းေဖလြယ္အိတ္ အစီအစဥ္မွာေတာ့ ဆိုဗီယက္ ေခါင္းေဆာင္ ခ႐ုရွက္ရဲ႕ ဖိတ္ၾကားခ်က္နဲ႔ ေမာ္စကို သြားရင္း က်ဴးဘား သြားဖို႔ ႀကိဳးစားေပမယ့္ အဲဒီအခ်ိန္မွာ ဆိုဗီယက္ တ႐ုတ္ ကြဲၿပဲမႈ ျဖစ္ပြားလို႔ သေဘာကြဲၿပီး ျပန္လာတာလို႔ ေရးပါတယ္။

– ၂ဝဝဝ ျပည့္ႏွစ္ေလာက္မွာ အေမရိကန္ကို ေလ့လာဖို႔ ဖိတ္ၾကားခံရေပမယ့္ တေယာက္တည္း မသြားႏိုင္ေတာ့လို႔ မေရာက္ခဲ့ပါဘူး။

 

၄။ လူထုေဒၚအမာနဲ႔ ဘာသာေရး

လူထုေဒၚအမာကို လက္ဝဲဆန္သူလို႔ ယူဆသူ မ်ားပါတယ္။ ဒါေပမဲ့ သာသနာ႔တန္ေဆာင္ ဆရာေတာ္ႀကီးမ်ား စာအုပ္ ေရးသားခဲ့တဲ့ အျပင္ အာဖရိကမွာ ပြင့္လန္းလာတဲ့ ဗုဒၶသာသနာ ေဆာင္းပါး ကို ႏွစ္ရွည္ ေရးၿပီး ေတာင္အာဖရိကက ျမန္မာ ဘုန္းေတာ္ႀကီးေက်ာင္း ျဖစ္ေျမာက္ေအာင္ ႏႈိးေဆာ္တာလို သာသနာေရး ကိစၥေတြ ေဆာင္႐ြက္ ခဲ့ပါတယ္။

မႏၲေလး ပရိယတၱိ သာသနာ႔ တကၠသိုလ္ ျဖစ္ေျမာက္ေရး၊ ဂိုအင္ကာ ရိပ္သာ ေပၚေပါက္ေရး ကိစၥေတြ မွာ ေဂါပက အျဖစ္ ပါဝင္ခဲ့သလို ေတာင္စလင္း ဆရာေတာ္နဲ႔ အတူ ျဗဟၼစိုရ္ လူမႈ ကူညီေရး အသင္း ထူေထာင္ၿပီး နာေရး ကူညီေရး လုပ္ငန္းေတြကို ျမန္မာျပည္မွာ စတင္ခဲ့ပါတယ္။ အေမရိကန္ျပန္ မိုးေလဝသ ၫႊန္ၾကားေရးမႉးခ်ဳပ္ ဘဝကေန ေခတ္မီ တရားျပ ျဖစ္လာတဲ့ ဆရာႀကီး ဦးေဌးေအာင္ရဲ႕ အေၾကာင္းကို သာသနာနယ္က ပုဂၢိဳလ္တဦး အမည္နဲ႔ ေရးတဲ့ ေဆာင္းပါးေတြလည္း ရွိပါတယ္။

 

၅။ ေဒၚအမာ မေရးျဖစ္တဲ့ စာအုပ္ေတြ

စာေပ လြတ္လပ္ခြင့္ေတြ တင္းက်ပ္ ခံလာရလို႔ ၁၉၆၉ ေနာက္ပိုင္းမွာ ပထမ ျမန္မာ ကာတြန္း ဆရာႀကီး ေ႐ႊ႐ိုးဘကေလး အတၳဳပၸတၱိ ေနာက္ အဆက္ ကာတြန္း ဦးဘဂ်မ္းရဲ႕ အတၳဳပၸတၱိကို သူမေရးႏိုင္ခဲ့ပါဘူး။ ႐ုပ္ရွင္ ဒါ႐ိုက္တာ စာေရးဆရာႀကီး ဦးသုခ အတၳဳပၸတၱိကိုလည္း ကာယကံရွင္ေတြနဲ႔ ေမးျမန္း စုေဆာင္းၿပီးမွ အေၾကာင္းေၾကာင္းေၾကာင့္ မေရးျဖစ္ခဲ့ဘူးလို႔ သိရပါတယ္။ သူ႕ရဲ႕ ကိုယ္တိုင္ေရး အတၳဳပၸတၱိကိုလည္း သပိတ္ ကိစၥေတြ ပါေနတဲ့ အတြက္ ရန္ကုန္ တကၠသိုလ္ ေရာက္တဲ့ အေၾကာင္းမွာတင္ ရပ္ထားခဲ့ရတယ္လို႔ ဆိုပါတယ္။

 

ဘီဘီစီျမန္မာပုိင္း မွ

Credit Original Uploader

 

Unicode Font

၁၉၁၅ နိုဝင်ဘာလ ၂၉ ရက်က မွေးခဲ့တဲ့ လူထုဒေါ်အမာဟာ စာပေနဲ့ နိုင်ငံရေး၊ ယဉ်ကျေးမှု နယ်ပယ်တွေမှာ ထင်ရှားသူ ဖြစ်သလို လူမှုကူညီရေးနဲ့ သာသနာရေး လုပ်ငန်းတွေကို လုပ်ဆောင်ခဲ့သူလည်း ဖြစ်ပါတယ်။ ၁၉၃၆ ဒုတိယ တက္ကသိုလ် သပိတ်မှာ ပါဝင်လှုပ်ရှားခဲ့ပြီးနောက် မြန်မာ စာရေးဆရာမ တယောက် အဖြစ် ထင်ရှားလာသလို စစ်ပြီးခေတ်မှာ သတင်းစာ လုပ်ငန်း လုပ်ကိုင်တဲ့ အမျိုးသမီး အဖြစ် လူသိများခဲ့ပါတယ်။

သူ့ခင်ပွန်း လူထုဦးလှ နဲ့ သားတွေ၊ မောင်တွေ နိုင်ငံရေး လှုပ်ရှားမှုကြောင့် ဖမ်းဆီးခံခဲ့ရသလိုပဲ သူကိုယ်တိုင်လည်း ဖမ်းဆီး စစ်မေးခံရတာတွေ ရှိခဲ့ပါတယ်။ လူထုဒေါ်အမာရဲ့ ဘဝနဲ့ စာပေလက်ရာတွေ အကြောင်း လူသိများပေမယ့် သူ့ဘဝမှာ လူသိ သိပ်မများတဲ့ ဖြစ်ရပ် တချို့ကတော့

၁။ လူထုဒေါ်အမာ ရေးတဲ့ သီချင်း

ဒေါ်အမာ အသက် ၂၁ နှစ် အရွယ် တက္ကသိုလ် ကျောင်းသူ ဘဝက ဒုတိယ တက္ကသိုလ် သပိတ်မှာ ဆင်နွှဲရင်း သပိတ်မှောက် သီချင်းကို စပ်ဆိုခဲ့ပါတယ်။ အဲဒီအချိန်က ဂျပန်မှာ သွားပြီး ရိုက်ကူးခဲ့တဲ့ ဂျပန့်ရင်သွေး ဇာတ်ကားပါ မင်းသား မောင်မောင်စိုး သီဆိုတဲ့ မြခွာညို သီချင်းအလိုက် ကျွန်စိတ်မွေးတဲ့ တက္ကသိုလ်မှာ မနေလိုလို့ ထွက်ခဲ့တာ၊ ဒို့တတွေ ညီညာ ရုံးစုကာ ရွှေတိဂုံ စေတီမှာ ဆိုတဲ့ တက္ကသိုလ် သပိတ် သီချင်းကို လူထု ဒေါ်အမာနဲ့ မာဂရက် ဘိုးတေ သူငယ်ချင်း နှစ်ယောက် စပ်ဆိုခဲ့ကြပါတယ်။

၂။ ဒေါ်အမာ ဇာတ်ကောင်ပြု ခံရတဲ့ ဝတ္ထုတွေ

စာရေးဆရာ သိန်းဖေမြင့်ရဲ့ သပိတ်မှောက် ကျောင်းသား ဝတ္ထုဟာ ၁၉၃၆ ခုနှစ် သပိတ်က ကျောင်းသူ ကျောင်းသားတွေရဲ့ လှုပ်ရှားမှုကို နောက်ခံ ရေးဖွဲ့တာ ဖြစ်ပါတယ်။ ဒီထဲက ဇာတ်ဆောင် မထားမြင့်ဟာ လူထုဒေါ်အမာရဲ့ သွင်ပြင်ကို ကြည့်ပြီး ရေးဖွဲ့တာလို့ ပြောစမှတ် ရှိပါတယ်။

လူထုဒေါ်အမာ ကိုယ်တိုင်ကတော့ ဒီလို ရေးသားခံရတာကို မနှစ်ခြိုက်ဘူးလို့ ဆိုပါတယ်။ ၁၉၆ဝ ကျော်မှာ ရေးတဲ့ ခင်ဆွေဦးရဲ့ အင်ကြင်းရဂုံ ဝတ္ထုမှာတော့ ဇာတ်ဆောင် သတင်းစာ ဆရာမကြီး ဒေါ်မေသက်ဟာ ဒေါ်အမာရဲ့ ပုံကို မှီးပြီး ရေးဖွဲ့တာလို့ ခင်ဆွေဦး က ပြန်ပြောင်း ရေးသားခဲ့ပါတယ်။

၃။ သွားဖို့ ကြိုးစားပြီး မရောက်ခဲ့တဲ့ တိုင်းပြည်တွေ

လူထုဒေါ်အမာ ဟာ ၁၉၅ဝ ကျော်မှာတော့ စင်္ကာပူ၊ ရုရှနဲ့ အရှေ့အုပ်စု နိုင်ငံတွေ၊ ဒိန်းမတ် နိုင်ငံတို့ကို သွားခဲ့ပါတယ်။ သူဘဝမှာ သွားဖို့ ကြိုးစားပြီး မရောက်ခဲ့တဲ့ တိုင်းပြည်တွေထဲမှာ

– သူ တက္ကသိုလ် ကျောင်းသူ ဘဝက ဂျပန် ပြည်မှာ ဂျပန် စာပေနဲ့ ယဉ်ကျေးမှု ကို သင်ကြားဖို့ အစိုးရ ပညာသင်ဆု လျှောက်ခဲ့ပေမယ့် မရခဲ့ပါဘူး။ စစ်အတွင်းမှာ စာရေးဆရာမ ဒဂုန်ခင်ခင်လေးနဲ့ ဗမာ့ခေတ် ဦးအုန်းခင်၊ စာရေးဆရာ ဂျာနယ် ကျော် ဦးချစ်မောင်နဲ့ ဒေါ်မမလေး စုံတွဲတွေနဲ့ အတူ အဲဒီအချိန်က ကြီးပွားရေး မဂ္ဂဇင်း ထုတ်ခဲ့တဲ့ ဦးလှနဲ့ ဒေါ်အမာကို ဂျပန်ကို ယဉ်ကျေးမှု ဖလှယ်ရေး အတွက် လွှတ်ဖို့ မြန်မာ အစိုးရက စီစဉ် ခဲ့ပါသေးတယ်။ အဲဒါလည်း မဖြစ်မြောက် ခဲ့ပါဘူး။

– ကျူးဘားမှာ ဖြစ်နေတဲ့ ကက်စထရိုရဲ့ တော်လှန်ရေး ကို လေ့လာဖို့ ၁၉၆၂ မှာ မော်စကိုက တဆင့် သွားဖို့ စီစဉ်ခဲ့ပါတယ်။ မြန်မာပြည်မှာ စစ်အာဏာသိမ်းပွဲ ဖြစ်လို့ တရုတ်က လှည့်ပြန်ခဲ့တယ်လို့ ဒေါ်အမာက ဆိုရှယ်လစ် တိုင်းပြည်များသို့ စာအုပ်မှာ ရေးသားခဲ့ပါတယ်။ ဦးဝင်းဖေရဲ့ ဝင်းဖေလွယ်အိတ် အစီအစဉ်မှာတော့ ဆိုဗီယက် ခေါင်းဆောင် ခရုရှက်ရဲ့ ဖိတ်ကြားချက်နဲ့ မော်စကို သွားရင်း ကျူးဘား သွားဖို့ ကြိုးစားပေမယ့် အဲဒီအချိန်မှာ ဆိုဗီယက် တရုတ် ကွဲပြဲမှု ဖြစ်ပွားလို့ သဘောကွဲပြီး ပြန်လာတာလို့ ရေးပါတယ်။

– ၂ဝဝဝ ပြည့်နှစ်လောက်မှာ အမေရိကန်ကို လေ့လာဖို့ ဖိတ်ကြားခံရပေမယ့် တယောက်တည်း မသွားနိုင်တော့လို့ မရောက်ခဲ့ပါဘူး။

၄။ လူထုဒေါ်အမာနဲ့ ဘာသာရေး

လူထုဒေါ်အမာကို လက်ဝဲဆန်သူလို့ ယူဆသူ များပါတယ်။ ဒါပေမဲ့ သာသနာ့တန်ဆောင် ဆရာတော်ကြီးများ စာအုပ် ရေးသားခဲ့တဲ့ အပြင် အာဖရိကမှာ ပွင့်လန်းလာတဲ့ ဗုဒ္ဓသာသနာ ဆောင်းပါး ကို နှစ်ရှည် ရေးပြီး တောင်အာဖရိကက မြန်မာ ဘုန်းတော်ကြီးကျောင်း ဖြစ်မြောက်အောင် နှိုးဆော်တာလို သာသနာရေး ကိစ္စတွေ ဆောင်ရွက် ခဲ့ပါတယ်။

မန္တလေး ပရိယတ္တိ သာသနာ့ တက္ကသိုလ် ဖြစ်မြောက်ရေး၊ ဂိုအင်ကာ ရိပ်သာ ပေါ်ပေါက်ရေး ကိစ္စတွေ မှာ ဂေါပက အဖြစ် ပါဝင်ခဲ့သလို တောင်စလင်း ဆရာတော်နဲ့ အတူ ဗြဟ္မစိုရ် လူမှု ကူညီရေး အသင်း ထူထောင်ပြီး နာရေး ကူညီရေး လုပ်ငန်းတွေကို မြန်မာပြည်မှာ စတင်ခဲ့ပါတယ်။ အမေရိကန်ပြန် မိုးလေဝသ ညွှန်ကြားရေးမှူးချုပ် ဘဝကနေ ခေတ်မီ တရားပြ ဖြစ်လာတဲ့ ဆရာကြီး ဦးဌေးအောင်ရဲ့ အကြောင်းကို သာသနာနယ်က ပုဂ္ဂိုလ်တဦး အမည်နဲ့ ရေးတဲ့ ဆောင်းပါးတွေလည်း ရှိပါတယ်။

၅။ ဒေါ်အမာ မရေးဖြစ်တဲ့ စာအုပ်တွေ

စာပေ လွတ်လပ်ခွင့်တွေ တင်းကျပ် ခံလာရလို့ ၁၉၆၉ နောက်ပိုင်းမှာ ပထမ မြန်မာ ကာတွန်း ဆရာကြီး ရွှေရိုးဘကလေး အတ္ထုပ္ပတ္တိ နောက် အဆက် ကာတွန်း ဦးဘဂျမ်းရဲ့ အတ္ထုပ္ပတ္တိကို သူမရေးနိုင်ခဲ့ပါဘူး။ ရုပ်ရှင် ဒါရိုက်တာ စာရေးဆရာကြီး ဦးသုခ အတ္ထုပ္ပတ္တိကိုလည်း ကာယကံရှင်တွေနဲ့ မေးမြန်း စုဆောင်းပြီးမှ အကြောင်းကြောင်းကြောင့် မရေးဖြစ်ခဲ့ဘူးလို့ သိရပါတယ်။ သူ့ရဲ့ ကိုယ်တိုင်ရေး အတ္ထုပ္ပတ္တိကိုလည်း သပိတ် ကိစ္စတွေ ပါနေတဲ့ အတွက် ရန်ကုန် တက္ကသိုလ် ရောက်တဲ့ အကြောင်းမှာတင် ရပ်ထားခဲ့ရတယ်လို့ ဆိုပါတယ်။

ဘီဘီစီမြန်မာပိုင်း မှ